സമരവേദിയില്‍ ഒരു കര്‍ഷകന്‍ കൂടി ആത്മഹത്യ ചെയ്തു: സമരം ഒ​ത്തു​തീ​ര്‍​പ്പാ​ക്കാ​ന്‍ സർക്കാർ ഉടൻ നടപടി സ്വീകരിക്കണമെന്ന് ആത്മഹത്യാ കുറിപ്പ്

ന്യൂഡൽഹി: വിവാദ കാര്‍ഷിക നിയമങ്ങള്‍ പിന്‍വലിക്കണമെന്ന് ആവശ്യപ്പെട്ട് നടത്തുന്ന കര്‍ഷക പ്രക്ഷോഭത്തില്‍ പങ്കെടുത്ത മറ്റൊരു കര്‍ഷകന്‍ കൂടി ആത്മഹത്യ ചെയ്തു. ഡ​ൽ​ഹി തി​ക്രി അ​തി​ർ​ത്തി​യി​ലെ ക​ർ​ഷ​ക​സ​മ​ര​വേ​ദി​യി​ലാ​ണ് ജ​യ ഭ​ഗ​വാ​ൻ റാ​ണ(42) വി​ഷം ക​ഴി​ച്ച് മ​രി​ച്ച​ത്. സംഭവസ്ഥലത്ത് നിന്ന് ആത്മഹത്യാകുറിപ്പ് ലഭിച്ചിട്ടുണ്ട്. ഇ​തോ​ടെ സ​മ​ര​വേ​ദി​യി​ൽ ജീ​വ​നൊ​ടു​ക്കു​ന്ന ക​ർ​ഷ​ക​രു​ടെ എ​ണ്ണം അ​ഞ്ചാ​യി.

ക​ര്‍​ഷ​ക​രു​ടെ സ​മ​രം ഒ​ത്തു​തീ​ര്‍​പ്പാ​ക്കാ​ന്‍ പ്ര​ശ്‌​ന​പ​രി​ഹാ​ര​ത്തി​ന് സ​ര്‍​ക്കാ​ര്‍ ഉ​ട​ന്‍ ന​ട​പ​ടി സ്വീ​ക​രി​ക്ക​ണ​മെ​ന്ന കു​റി​പ്പ് എ​ഴു​തി​വ​ച്ചി​ട്ടാ​ണ് അ​ദ്ദേ​ഹം ജീ​വ​നൊ​ടു​ക്കി​യ​ത്. രാ​ജ്യ​ത്തെ മു​ഴു​വ​ന്‍ ക​ര്‍​ഷ​ക​രും നി​യ​മ​ത്തി​ന് എ​തി​രായിട്ടും സ​ര്‍​ക്കാ​ര്‍ പ​റ​യു​ന്ന​ത് ര​ണ്ടു​മൂ​ന്ന് സം​സ്ഥാ​ന​ങ്ങ​ള്‍ മാ​ത്ര​മാ​ണ് പ്ര​ശ്‌​ന​ങ്ങ​ള്‍ ഉ​ണ്ടാ​ക്കു​ന്ന​ത് എ​ന്നാ​ണ്. രാ​ജ്യ​ത്തെ മു​ഴു​വ​ന്‍ ക​ര്‍​ഷ​ക​രു​ടെ വി​കാ​രം മ​ന​സി​ലാ​ക്കി ന​ട​പ​ടി സ്വീ​ക​രി​ക്കാ​ന്‍ സ​ര്‍​ക്കാ​ര്‍ ത​യാ​റാ​വ​ണ​മെ​ന്നും കു​റി​പ്പി​ല്‍ ആ​വ​ശ്യ​പ്പെ​ടു​ന്നു.