ഇന്ത്യക്കെതിരായ ആദ്യ ടെസ്റ്റിന്റെ ആദ്യ ഇന്നിം​ഗ്സിൽ ഇം​ഗ്ലണ്ട് വൻ സ്കോറിലേക്ക്; 150 റണ്ണുമായി ക്യാപ്റ്റൻ ജോ റൂട്ട് ക്രീസിൽ


ഇന്ത്യക്കെതിരായ ആദ്യ ടെസ്റ്റിന്റെ ആദ്യ ഇന്നിം​ഗ്സിൽ ഇം​ഗ്ലണ്ട് വൻ സ്കോറിലേക്ക് കുതുക്കുന്നു. രണ്ടാം ദിനം ഉച്ചഭക്ഷണത്തിന് പിരിയുമ്പോൾ മൂന്ന് വിക്കറ്റ് നഷ്ടത്തിൽ 355 റൺസെന്ന നിലയിലാണ് ഇം​ഗ്ലണ്ട്. 150-കടന്ന ക്യാപ്റ്റൻ ജോ റൂട്ടും അമ്പത് കടന്ന ബെൻ സ്റ്റോക്സുമാണ് ക്രീസിൽ.

മൂന്ന് വിക്കറ്റ് നഷ്ടത്തിൽ 263 എന്ന നിലയിലാണ് ആദ്യ ദിനം കളിയവസാനിപ്പിച്ചത്. ഇന്ന് ബാറ്റിങ് പുനരാരംഭിച്ച ഇം​ഗ്ലണ്ട് ഇന്ത്യൻ ബൗളർമാർക്ക് ഒരുവസരവും നൽകിയില്ല. റൂട്ട് പതിവുപോലെ ശാന്തമായി ബാറ്റ് ചെയ്തപ്പോൾ സ്റ്റോക്സ് കുറച്ച് ആക്രമണകാരിയായി. 98 പന്തിൽ നിന്ന് ഒമ്പത് ഫോറും രണ്ട് സിക്സുമടം 63 റൺസുമായാണ് സ്റ്റോക്സ് ക്രീസിലുള്ളത്. റൂട്ടാകട്ടെ 277 പന്തിൽ നിന്ന് 16 ഫോറും ഒരു സിക്സുമടക്കം 156 റൺസുമയാണ് ക്രീസിലുള്ളത്.

ഇരുവരും ചേർന്നുള്ള കൂട്ടുകെട്ട് ഇതിനകം 92 റൺസ് നേടി. ടോസ് നേടി ബാറ്റിങ്ങിനിറങ്ങിയ ഇം​ഗ്ലണ്ടിനായി നേരത്തെ ഡൊബിനിക്ക് സിബ്ലെയും അർധസെഞ്ച്വറി നേടി. 286 പന്തുകളിൽ നിന്ന് 87 റൺസാണ് സിബ്ലെ നേടിയത്.

Post a Comment

Previous Post Next Post

വാർത്തകൾ ഉടനടി മൊബൈലിൽ ലഭിക്കാൻ ഇവിടെ ക്ലിക്ക് ചെയ്യൂ

കമന്റ് ബോക്‌സിലെ അഭിപ്രായങ്ങള്‍ റിപ്പബ്ലിക്ക് ഡെയ്ലിയുടേതല്ല.
വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത,
സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി
നയപ്രകാരം ശിക്ഷാര്‍ഹമാണ്.