7 വർഷം നീണ്ട പ്രണയം, സർക്കാർ ജോലി ലഭിച്ചതോടെ കാമുകി മറ്റൊരാളുമായി വിവാഹം ഉറപ്പിച്ചു; അരിശം മൂത്ത് എഞ്ചിനീയറിംഗ് ബിരുദധാരിയായ കാമുകൻ യുവതിയെയും അമ്മയെയും തീകൊളുത്തി കൊന്ന ശേഷം സ്വയം തീകൊളുത്തി ജീവനൊടുക്കി


ചെന്നൈ: കാമുകിയെയും അവരുടെ അമ്മയെയും തീവെച്ചുകൊന്ന യുവാവ് തീകൊളുത്തി ജീവനൊടുക്കി. കൊറുക്കുപ്പേട്ട ആനന്ദനായകി നഗറിൽ വെള്ളിയാഴ്ച പുലർച്ചെ നാലോടെയായിരുന്നു സംഭവം.
പ്രദേശവാസിയായ രജിത (26), അമ്മ വെങ്കട്ടമ്മ (46), ഭൂപാലൻ (29) എന്നിവരാണ് മരിച്ചത്.

എൻജിനിയറിങ് ബിരുദധാരിയായ ഭൂപാലനും രജിതയും ഏഴുവർഷത്തോളമായി പ്രണയത്തിലായിരുന്നു. അടുത്തിടെ അച്ഛൻ മരിച്ചതിന്റെ ആശ്രിതനിയമനം വഴി രജിതയ്ക്ക് ചെന്നൈ കോർപ്പറേഷനിൽ ജോലി ലഭിച്ചു.
അതിനുശേഷം യുവതി ഭൂപാലനുമായുള്ള പ്രണയബന്ധത്തിൽനിന്ന് പിന്മാറിയത്രേ.
മറ്റൊരാളുമായി യുവതിയുടെ വിവാഹനിശ്ചയവും നടന്നു.
എന്നാൽ ഭൂപാലൻ തന്നെ വിവാഹം ചെയ്യണമെന്നാവശ്യപ്പെട്ട് യുവതിയെ ശല്യംചെയ്യുന്നത് തുടർന്നു.

കഴിഞ്ഞ ദിവസം രാത്രി രജിതയുടെ വീട്ടിൽ അതിക്രമിച്ചുകയറിയ ഇയാൾ യുവതിയുടെയും അമ്മയുടെയും ദേഹത്തും സ്വന്തംശരീരത്തിലും പെട്രോൾ ഒഴിച്ച് തീകൊളുത്തുകയായിരുന്നു.

Post a Comment

Previous Post Next Post

വാർത്തകൾ ഉടനടി മൊബൈലിൽ ലഭിക്കാൻ ഇവിടെ ക്ലിക്ക് ചെയ്യൂ

കമന്റ് ബോക്‌സിലെ അഭിപ്രായങ്ങള്‍ റിപ്പബ്ലിക്ക് ഡെയ്ലിയുടേതല്ല.
വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത,
സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി
നയപ്രകാരം ശിക്ഷാര്‍ഹമാണ്.