കോഴിക്കോട് വീടിന് സമീപത്തു നിന്നും കളിച്ചുകൊണ്ടിരുന്ന അഞ്ചു വയസുകാരന് ടിപ്പര്‍ ലോറി ഇടിച്ച് ദാരുണാന്ത്യം

പ്രതീകാത്മക ചിത്രം

കോഴിക്കോട്: കോഴിക്കോട് നാദാപുരത്ത് ടിപ്പർ ലോറി ഇടിച്ച് അഞ്ച് വയസുകാരൻ മരിച്ചു. നാദാപുരം വരിക്കോളിയിൽ മലോക്കണ്ടി റഫീഖിന്റെ മകൻ ഷിഹാബാണ് മരിച്ചത്.

ഉച്ചയ്ക്ക് ഒന്നരയോടെ കുട്ടി വീടിനു സമീപത്ത് സൈക്കിളിൽ കളിച്ചുകൊണ്ടിരിക്കുമ്പോഴായിരുന്നു അപകടം. കുട്ടിയെ ഉടൻതന്നെ നാദാപുരം താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

മൃതദേഹം പോസ്റ്റ്മോർട്ടത്തിനായി വടകര ജില്ലാ ആശുപത്രിയിലേക്ക് മാറ്റി. അപകടത്തിന് ഇടയാക്കിയ ടിപ്പർ പോലീസ് കസ്റ്റഡിയിലെടുത്തു. ഡ്രൈവർക്കെതിരെ നരഹത്യക്കെതിരെ കേസ് രജിസ്റ്റർ ചെയ്തു.