2018 ഓഗസ്റ്റ് 28 ന് തിരഞ്ഞെടുപ്പ് റാലിയിൽ അഭിഷേക് ബാനർജിക്കെതിരെ നടത്തിയ പരാമർശമാണ് അമിത് ഷായ്‌ക്കെതിരായ കേസിനു കാരണം. ഐപിസി സെക്ഷൻ 500 പ്രകാരം അഭിഷേക് ബാനർജി കേസ് ഫയൽ ചെയ്യുകയായിരുന്നു.
“മോദി ജി അയച്ച പണമെല്ലാം എവിടെ പോയി ? ബംഗാളിലെ ഗ്രാമവാസികളേ, ആ പണം നിങ്ങളുടെ ഗ്രാമത്തിൽ എത്തിയോ ? 3,59,000 കോടി രൂപ എവിടെ പോയി ? ആ പണമെല്ലാം മമത അവരുടെ സഹോദരപുത്രനും അവരുടെ പ്രിയപ്പെട്ടവർക്കും നൽകി. വലിയൊരു അഴിമതിയാണ് തൃണമൂൽ കോൺഗ്രസ് നടത്തുന്നത്,” എന്നാണ് 2018 ൽ അമിത് ഷാ പ്രസംഗിച്ചത്. അമിത് ഷാ ഖേദം പ്രകടിപ്പിക്കണമെന്ന് ആവശ്യപ്പെട്ട് അഭിഷേക് ബാനർജി നേരത്തെ ലീഗൽ നോട്ടീസ് അയച്ചിരുന്നു.