നാടകീയ രംഗങ്ങൾക്ക് ഒടുവിൽ മാണി സി കാപ്പൻ യുഡിഎഫിലേക്ക്; അണികൾക്കൊപ്പം ഐശ്വര്യ കേരള യാത്ര ഇന്ന് പാലായിൽ എത്തുമ്പോൾ യുഡിഎഫിൻ്റെ ഭാഗമാകും

പാ​ലാ: മാണി സി കാപ്പൻ എൽഡിഎഫ് വിട്ടതായി ഔദ്യോഗികമായി ഇന്നലെ അറിയിച്ചിരുന്നു. യു​ഡി​എ​ഫ് ഘ​ട​ക​ക​ക്ഷി​യാ​കു​മെ​ന്ന് അദ്ദേഹം മാധ്യമങ്ങളെ അറിയിച്ചു. ഇന്ന് ഴ്ച പ്ര​തി​പ​ക്ഷ നേ​താ​വ് ര​മേ​ശ് ചെ​ന്നി​ത്ത​ല ന​യി​ക്കു​ന്ന ഐ​ശ്വ​ര്യ കേ​ര​ള യാ​ത്ര​യി​ൽ യു​ഡി​എ​ഫ് ഘ​ട​ക​ക​ക്ഷി​യാ​യി പങ്കെടുത്താണ് അദ്ദേഹം യുഡിഎഫ് പ്രവേശനം ഔദ്യോഗികമാക്കുന്നത്.

മാണി സി കാപ്പൻ അണികൾക്കൊപ്പം കേരള യാത്ര പാലായിൽ എത്തുമ്പോൾ യുഡിഎഫിൻ്റെ ഭാഗമാകും. കാപ്പൻ വിഭാഗത്തിന്റെ റാലി ഇന്ന് 9:30ന് ആർവി പാർക്കിൽ നിന്ന് ആരംഭിക്കും. ത​നി​ക്കൊ​പ്പം ഏഴ് സം​സ്ഥാ​ന ഭാ​ര​വാ​ഹി​കളും, ഏഴ് ജി​ല്ല പ്ര​സി​ഡ​ന്‍റു​മാ​രും ഉണ്ടെന്ന് അദ്ദേഹം ഇന്നലെ അറിയിച്ചു. നിലവിൽ 17 സംസ്ഥാന ഭാരവാഹികൾ ആണ് ഉള്ളത്. ഇതിൽ നിന്നാണ് ഏഴ് സം​സ്ഥാ​ന ഭാ​ര​വാ​ഹി​കൾ കാപ്പനൊപ്പം ചേരുന്നത്. തൻറെ ശക്തി ഐ​ശ്വ​ര്യ കേ​ര​ള​യാ​ത്ര​യി​ൽ തെളിയിക്കുമെന്നും അദ്ദേഹം മാധ്യമങ്ങളോട് ഇന്നലെ പറഞ്ഞിരുന്നു.