റിയാദ്: സൗദി അറേബ്യയില് അന്താരാഷ്ട്ര വിമാന സര്വീസുകള് മെയ് 17ന് ആരംഭിക്കും. വിമാന സർവീസുകൾക്ക് ഏർപ്പെടുത്തിയിരുന്ന വിലക്ക് നീക്കുന്നതായി സൗദി എയര്ലൈന്സിന്റെ ഔദ്യോഗിക വെബ്സൈറ്റില് പ്രസിദ്ധീകരിച്ചു.
ഇതനുസരിച്ച് സൗദി പൗരന്മാരെ രാജ്യത്തു നിന്ന് പുറത്തേക്ക് പോകാനും തിരികെ രാജ്യത്തേക്ക് മടങ്ങി വരാനും അനുവദിക്കുന്നത് മേയ് 17 മുതലായിരിക്കും. രാജ്യത്തെ എല്ലാ വിമാനത്താവളങ്ങളും അന്ന് മുതല് പൂര്ണമായി പ്രവര്ത്തിച്ചുതുടങ്ങും.
കോവിഡിനെ തുടർന്ന് വിലക്ക് ഏര്പ്പെടുത്തിയിട്ടുള്ള രാജ്യങ്ങള്ക്ക് ഇത് ബാധകമാവില്ലെന്നും സൗദി എയര്ലൈന്സിന്റെ അറിയിപ്പില് പറയുന്നു.