​ട്രാക്കില്‍ അറ്റകുറ്റപ്പണി; ട്രെയിന്‍ സര്‍വ്വീസുകള്‍ ഭാഗികമായി റദ്ദാക്കി



വടക്കാഞ്ചേരി യാര്‍ഡില്‍ റെയില്‍വെ ട്രാക്കില്‍ അറ്റകുറ്റപ്പണി നടക്കുന്നതിനാല്‍ 16, 17, 23, 24 ദിവസങ്ങളില്‍ ട്രെയിന്‍ സര്‍വീസ് ഭാഗികമായി റദ്ദാക്കുകയോ നിയന്ത്രിക്കുകയോ ചെയ്യുമെന്ന് ദക്ഷിണ റെയില്‍വേ. തിരുവനന്തപുരം സെന്‍ട്രല്‍- ന്യൂഡല്‍ഹി സൂപ്പര്‍ ഫാസ്റ്റ് ഈ ദിവസങ്ങളില്‍ ഒരു മണിക്കൂര്‍ 20 മിനിറ്റ് പിടിച്ചിടും. എംജിആര്‍ ചെന്നൈ, സെന്‍ട്രല്‍ ആലപ്പുഴ പ്രതിദിന സൂപ്പര്‍ ഫാസ്റ്റ് 15, 16, 22, 23 ദിവസങ്ങളില്‍ പാലക്കാട് ജംങ്ഷനില്‍ യാത്ര അവസാനിപ്പിക്കും. മടക്ക ട്രെയിന്‍ 16, 17, 23, 24 ദിവസങ്ങളില്‍, ആലപ്പുഴ മുതല്‍ പാലക്കാടുവരെ സര്‍വ്വീസ് നടത്തില്ല.

ആലപ്പുഴ- കണ്ണൂര്‍ പ്രതിദിന സ്‌പെഷ്യല്‍ 16, 17, 23, 24 ദിവസങ്ങളില്‍ ആലപ്പുഴ മുതല്‍ ഷൊര്‍ണൂര്‍ ജംങ്ഷന്‍ വരെ സര്‍വ്വീസ് നടത്തില്ല. ഷൊര്‍ണൂരില്‍ നിന്ന് യാത്ര പുനരാരംഭിക്കും. മടക്ക ട്രെയിന്‍ ഇതേ ദിവസം ഷൊര്‍ണൂരില്‍ യാത്ര അവസാനിപ്പിക്കും.

കണ്ണൂര്‍- എറണാകുളം ജംങ്ഷന്‍ പ്രതിദിന സ്‌പെഷ്യല്‍ 16, 17, 23, 24 ദിവസങ്ങളില്‍ ഷൊര്‍ണൂരില്‍ യാത്ര അവസാനിപ്പിക്കും. തിരുനെല്‍വേലി- പാലക്കാട് ജംങ്ഷന്‍ പ്രതിദിന സ്‌പെഷ്യല്‍ 16, 22, 23 ദിവസങ്ങളില്‍ തൃശ്ശൂര്‍ മുതല്‍ പാലക്കാടു വരെ സര്‍വ്വീസ് നടത്തില്ല. മടക്ക ട്രെയിന്‍ 16, 17, 23, 24, പാലക്കാട് ജംങ്ഷന്‍ മുതല്‍ തൃശ്ശൂര്‍ വരെ യാത്ര നടത്തില്ല. എറണാകുളം ജംങ്ഷന്‍- ഷൊര്‍ണൂര്‍ ജംങ്ഷന്‍ മെമു 16, 17, 23, 24 ദിവസങ്ങളില്‍ മുളങ്കുന്നത്തുകാവില്‍ യാത്ര അവസാനിപ്പിക്കും.

Post a Comment

വളരെ പുതിയ വളരെ പഴയ

 കമന്റ് ബോക്‌സിലെ അഭിപ്രായങ്ങള്‍ റിപ്പബ്ലിക്ക് ഡെയ്ലിയുടേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

വാർത്തകൾ വാട്സപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക