ഐസ്‌ക്രീം ട്രക്കുകളിൽ അടുത്ത മാസം മുതൽ സൗദിവൽക്കരണം



റിയാദ് - മൂന്നിനം ഫുഡ് ട്രക്കുകളിൽ അടുത്ത മാസം (ശവ്വാൽ) മുതൽ മാനവശേഷി, സാമൂഹിക വികസന മന്ത്രാലയം നിർബന്ധിത സമ്പൂർണ സൗദിവൽക്കരണം നടപ്പാക്കി തുടങ്ങും. ഐസ് ക്രീം, പാനീയങ്ങൾ, ഭക്ഷ്യവസ്തുക്കൾ എന്നിവ വിൽപന നടത്തുന്ന വാഹനങ്ങളിലാണ് സമ്പൂർണ സൗദിവൽക്കരണം നടപ്പാക്കുന്നത്. സൗദിവൽക്കരണ പദ്ധതികൾ പ്രയോജനപ്പെടുത്തി തൊഴിലുകൾ ആഗ്രഹിക്കുന്നവർക്ക് പലവിധ സഹായ പദ്ധതികൾ മന്ത്രാലയം നടപ്പാക്കും. 
പുതുതായി ജോലിയിൽ പ്രവേശിക്കുന്നവരുടെ വേതന വിഹിതം വഹിക്കുന്ന പദ്ധതിയും തൊഴിൽ പരിശീലനം നൽകുന്നതിനുള്ള ചെലവുകൾ വഹിക്കുന്ന പദ്ധതിയും അടക്കമുള്ള പദ്ധതികളാണ് മന്ത്രാലയം നടപ്പാക്കുക. മൂന്നു വർഷത്തിനുള്ളിൽ സ്വകാര്യ മേഖലയിൽ മൂന്നു ലക്ഷത്തിലേറെ സ്വദേശികൾക്ക് തൊഴിൽ ലഭ്യമാക്കാനാണ് മന്ത്രാലയം ശ്രമിക്കുന്നത്. 
റെസ്റ്റോറന്റുകളിൽ 20 ശതമാനം സൗദിവൽക്കരണം നിർബന്ധമാക്കാനും മാനവശേഷി, സാമൂഹിക വികസന മന്ത്രാലയം തീരുമാനിച്ചിട്ടുണ്ട്. ഷോപ്പിംഗ് മാളുകൾക്കും വാണിജ്യ കേന്ദ്രങ്ങൾക്കും അകത്ത് പ്രവർത്തിക്കുന്ന റെസ്റ്റോറന്റുകളിൽ 40 ശതമാനം സൗദിവൽക്കരണമാണ് പാലിക്കേണ്ടത്. ഒരു ഷിഫ്റ്റിൽ നാലും അതിൽ കൂടുതലും ജീവനക്കാരുള്ള മുഴുവൻ റെസ്റ്റോറന്റുകളും നിശ്ചിത ശതമാനം സൗദിവൽക്കരണം പാലിക്കൽ നിർബന്ധമാണ്.

Post a Comment

വളരെ പുതിയ വളരെ പഴയ

 കമന്റ് ബോക്‌സിലെ അഭിപ്രായങ്ങള്‍ റിപ്പബ്ലിക്ക് ഡെയ്ലിയുടേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

വാർത്തകൾ വാട്സപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക