'മനുഷ്യരെ കൊല്ലുന്നവര്‍ മാനവികതയെക്കുറിച്ച് പറയുന്നു'; സിപിഎമ്മിനെ കടന്നാക്രമിച്ച് മുനവ്വറലി തങ്ങൾ


മലപ്പുറം: കൂത്തുപറമ്പ് പാനൂരില്‍ മുസ്ലിം ലീഗ് പ്രവര്‍ത്തകന്‍ മന്‍സൂര്‍ കൊല്ലപ്പെട്ട സംഭവത്തില്‍ സി.പി.എമ്മിനെതിരെ കടുത്ത വിമര്‍ശനവുമായി യൂത്ത് ലീഗ് സംസ്ഥാന പ്രസിഡണ്ട് മുനവ്വറലി ശിഹാബ് തങ്ങള്‍. ജീവിക്കാനുള്ള അവകാശം നിഷേധിച്ചുകൊണ്ടാണോ സി.പി.എം മനുഷ്യരാവണമെന്ന മുദ്രാവാക്യം ഉയര്‍ത്തുന്നതെന്ന് ഫേസ്ബുക്കില്‍ മുനവ്വറലി തങ്ങള്‍ ചോദിക്കുന്നു. ഈ അരുംകൊല രാഷ്ട്രീയം മാപ്പര്‍ഹിക്കാത്തതാണ്. കൊലപാതകം ആവര്‍ത്തിക്കില്ലെന്ന് തീരുമാനിക്കാന്‍ സി.പി.എമ്മിന് എന്തുകൊണ്ട് കഴിയുന്നില്ല. ആശയങ്ങളോട് ഏറ്റുമുട്ടാന്‍ കഴിവില്ലാത്തവര്‍ ആളുകളെ ഇല്ലാതാക്കുന്ന രാഷ്ട്രീയം സ്വീകരിക്കുകയാണെന്നും മുനവ്വറലി തങ്ങള്‍ വിമർശിക്കുന്നു
കൊല്ലപ്പെട്ട മൻസൂറിന്‍റെ വീട് സന്ദർശിച്ച ശേഷമായിരുന്നു മുനവ്വറലി തങ്ങളുടെ പ്രതികരണം.

മുനവ്വറലി തങ്ങളുടെ ഫേസ്ബുക്ക് പോസ്റ്റിന്റെ പൂർണ്ണ രൂപം ഇങ്ങിനെ:

പാനൂരില്‍ മന്‍സൂറിന്റെ കുടുംബത്ത സന്ദര്‍ശിച്ചു.

ഈ അറുംകൊല രാഷ്ട്രീയം മാപ്പര്‍ഹിക്കാത്തതാണ്. ആശയങ്ങളോട് ഏറ്റുമുട്ടാന്‍ കഴിവില്ലാത്തവര്‍ ആളുകളെ ഇല്ലാതാക്കുന്ന രാഷ്ട്രീയം സ്വീകരിക്കുകയാണ്. ഒരാള്‍ മരിക്കുമ്പോള്‍ കൂടെ മരിക്കുന്നത് അദ്ദേഹത്തിന്റെ കുടുംബം കൂടിയാണെന്ന് എന്ത് കൊണ്ടാണ് അക്രമം രാഷ്ട്രീയ മാര്‍ഗമായി കൊണ്ടുനടക്കുന്നവര്‍ മറന്നു പോവുന്നത്. ഇനിയും ഇതാവര്‍ത്തിക്കില്ല എന്ന് നിലപാടെടുക്കാന്‍ എന്ത് കൊണ്ടാണ് സിപിഎം പോലൊരു കക്ഷിക്ക് കഴിയാതെ പോകുന്നത്. ജീവിക്കാനുള്ള മനുഷ്യരുടെ അവകാശം നിഷേധിച്ചു കൊണ്ടാണോ മനുഷ്യരാവണം എന്ന മുദ്രാവാക്യം പ്രയോഗത്തില്‍ വരുത്തേണ്ടത്..

കേസിലെ രണ്ടാം പ്രതിയുടെ ആത്മഹത്യ ഉള്‍പ്പെടെ ദുരൂഹതകള്‍ വര്‍ധിക്കുമ്പോള്‍ ഉന്നത തല അന്വേഷണം നടക്കണം,മന്‍സൂറിന്റെ കുടുംബത്തിന് നീതി ലഭിക്കണം.അതിനായി ജാഗ്രതയോടെ യുഡിഎഫ് നില കൊള്ളും !

Post a Comment

Previous Post Next Post

വാർത്തകൾ ഉടനടി മൊബൈലിൽ ലഭിക്കാൻ ഇവിടെ ക്ലിക്ക് ചെയ്യൂ

കമന്റ് ബോക്‌സിലെ അഭിപ്രായങ്ങള്‍ റിപ്പബ്ലിക്ക് ഡെയ്ലിയുടേതല്ല.
വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത,
സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി
നയപ്രകാരം ശിക്ഷാര്‍ഹമാണ്.