സ്പീക്കർ എംബി രാജേഷിന്റെ പി.എ. ചമഞ്ഞ് പണം തട്ടിയ സംഭവം; പ്രതി പിടിയിൽ


കോട്ടയം: സ്പീക്കർ എംബി രാജേഷിന്റെ പി.എ. ചമഞ്ഞ് പണം തട്ടിയ കേസിലെ പ്രതി അറസ്റ്റിൽ. പാലക്കാട് സ്വദേശി പ്രവീൺ ബാലചന്ദ്രനെയാണ് തൃശ്ശൂരിലെ ഫ്ളാറ്റിൽനിന്ന് കോട്ടയം ഗാന്ധിനഗർ പോലീസ് പിടികൂടിയത്. ഇയാൾ നേരത്തെയും സമാനതട്ടിപ്പുകൾ നടത്തിയിട്ടുണ്ടെന്ന് പോലീസ് പറഞ്ഞു.

കഴിഞ്ഞദിവസമാണ് കോട്ടയം ഉഴവൂർ സ്വദേശിനിയായ യുവതി തട്ടിപ്പിനെക്കുറിച്ച് സ്പീക്കറെ വിളിച്ചറിയിച്ചത്. സ്പീക്കറുടെ പി.എ. ചമഞ്ഞ് ജല അതോറിറ്റിയിൽ ജോലി വാഗ്ദാനം ചെയ്ത് പതിനായിരം രൂപ തട്ടിയെന്നായിരുന്നു യുവതി പറഞ്ഞത്. തുടർന്ന് സ്പീക്കർ തന്നെ ഡി.ജി.പി.്ക്ക് പരാതി നൽകുകയായിരുന്നു. ഇത്തരം തട്ടിപ്പിനെക്കുറിച്ച് സ്പീക്കർ മുന്നറിയിപ്പ് നൽകുകയും ചെയ്തു.

ഡി.ജി.പി.യുടെ നിർദേശാനുസരണമാണ് ഗാന്ധിനഗർ പോലീസ് കേസെടുത്ത് അന്വേഷണം ആരംഭിച്ചത്. സംഭവത്തിന് ശേഷം ഒളിവിൽപോയ പ്രതിയെ തൃശ്ശൂരിലെ ഫ്ളാറ്റിൽനിന്നാണ് പോലീസ് പിടികൂടിയത്. മുണ്ടക്കയത്തും ഇയാൾ സമാനരീതിയിൽ തട്ടിപ്പ് നടത്തിയിട്ടുണ്ടെന്നാണ് വിവരം.നഷ്ടപ്പെട്ടത് ചെറിയ തുകയായതിനാൽ പലരും പരാതിപ്പെട്ടിരുന്നില്ല.

2019-ൽ തിരുവനന്തപുരത്ത് ജോലി തട്ടിപ്പ് നടത്തിയതിനും പ്രവീൺ അറസ്റ്റിലായിരുന്നു. ആ കേസിൽ ജാമ്യത്തിലിറങ്ങിയതിന് പിന്നാലെയാണ് കോട്ടയം കേന്ദ്രീകരിച്ച് വീണ്ടും തട്ടിപ്പ് തുടർന്നത്.

Post a Comment

Previous Post Next Post

വാർത്തകൾ ഉടനടി മൊബൈലിൽ ലഭിക്കാൻ ഇവിടെ ക്ലിക്ക് ചെയ്യൂ

കമന്റ് ബോക്‌സിലെ അഭിപ്രായങ്ങള്‍ റിപ്പബ്ലിക്ക് ഡെയ്ലിയുടേതല്ല.
വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത,
സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി
നയപ്രകാരം ശിക്ഷാര്‍ഹമാണ്.