സിദ്ദിഖ് കാപ്പന് ജാമ്യമില്ല, പ്രോസിക്യൂഷൻ വാദം അംഗീകരിച്ച് മഥുര കോടതി


ന്യൂഡൽഹി: യുപി സര്‍ക്കാര്‍ യുഎപിഎ അടക്കം ചുമത്തി ജയിലില്‍ അടച്ച മലയാളി മാധ്യമ പ്രവര്‍ത്തകന്‍ സിദ്ദീഖ് കാപ്പന് മഥുര കോടതി ജാമ്യം നിഷേധിച്ചു. ഉത്തര്‍പ്രദേശിലെ ഹത്രാസിലേക്ക് പോവുകയായിരുന്ന സിദ്ദീഖ് കാപ്പനും ഒപ്പമുണ്ടായിരുന്നവര്‍ക്കും എതിരേ ചുമത്തിയിരിക്കുന്ന കുറ്റങ്ങള്‍ പ്രഥമൃഷ്ട്യാ നിലനില്‍ക്കുന്നതാണെന്നു ചൂണ്ടിക്കാട്ടിയാണ് അഡീഷണല്‍ സെഷന്‍സ് ജഡ്ജി അനില്‍ കുമാര്‍ പാണ്ഡേ ജാമ്യം നിഷേധിച്ചത്.

ഹത്രാസില്‍ പെണ്‍കുട്ടി കൂട്ട മാനഭംഗത്തിന് ഇരയായി കൊല്ലപ്പെട്ട സംഭവം റിപ്പോര്‍ട്ട് ചെയ്യാന്‍ പോകവേ ആണ് അറസ്റ്റിലായതെന്നും തനിക്കെതിരേ ചുമത്തിയ ആരോപണങ്ങള്‍ വാസ്തവ വിരുദ്ധമാണെന്നും ചൂണ്ടിക്കാട്ടിയാണ് കാപ്പന്‍ ജാമ്യാപേക്ഷ നല്‍കിയത്. എഫ്‌ഐആറില്‍ പറയുന്ന കാര്യങ്ങള്‍ കെട്ടിച്ചമച്ചതാണെന്നും ജാമ്യാപേക്ഷയില്‍ ചൂണ്ടിക്കാട്ടിയിരുന്നു. എന്നാല്‍, ഹത്രാസിലേക്കുള്ള യാത്രയ്ക്കിടെ സിദ്ദീഖ് കാപ്പന്റെ കൈവശം ഉണ്ടായിരുന്ന തിരിച്ചറിയില്‍ രേഖ പ്രവര്‍ത്തനം നിലച്ച ഒരു സ്ഥാപനത്തിന്റേതായിരുന്നു എന്ന പോലീസിന്റെ വാദങ്ങള്‍ ചൂണ്ടിക്കാട്ടിയാണ് കോടതി ജാമ്യം നിഷേധിച്ചത്.

നേരത്തെ സിദ്ദീഖിന് മേല്‍ ചുമത്തിയിരുന്ന ചില കുറ്റങ്ങള്‍ കോടതി ഒഴിവാക്കിയിരുന്നു. ആറു മാസമായിട്ടും ആരോപണങ്ങളില്‍ അന്വേഷണം നടത്തി തെളിവ് ലഭ്യമാക്കാന്‍ പോലീസിന് കഴിയാതിരുന്നത് ചൂണ്ടിക്കാട്ടിയാണ് കോടതി കുറ്റങ്ങള്‍ ഒഴിവാക്കിയത്.

Post a Comment

Previous Post Next Post

വാർത്തകൾ ഉടനടി മൊബൈലിൽ ലഭിക്കാൻ ഇവിടെ ക്ലിക്ക് ചെയ്യൂ

കമന്റ് ബോക്‌സിലെ അഭിപ്രായങ്ങള്‍ റിപ്പബ്ലിക്ക് ഡെയ്ലിയുടേതല്ല.
വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത,
സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി
നയപ്രകാരം ശിക്ഷാര്‍ഹമാണ്.