മൂന്നാമത് പിറന്നതും പെൺകുഞ്ഞ്; ഒരു മാസം പ്രായമുള്ള സ്വന്തം കുഞ്ഞിനെ മാതാവ് വെള്ളത്തിൽ മുക്കിക്കൊന്നു


പൂനെ: ഒരു മാസം പ്രായമുള്ള പെൺകുഞ്ഞിനെ മുക്കി കൊന്ന സംഭവത്തിൽ അമ്മ അറസ്റ്റിൽ. പൂനെയിലെ ബരാമതിയിലാണ് സംഭവം. മൂന്നാമതും പെൺകുഞ്ഞ് ജനിച്ചതിനെ തുടർന്നാണ് കുഞ്ഞിനെ കൊന്നതെന്ന് അമ്മ പൊലീസീന് മൊഴി നൽകി.
രണ്ട് പെൺകുഞ്ഞുങ്ങൾക്ക് ശേഷം മൂന്നാമത് ആൺകുഞ്ഞ് ജനിക്കുമെന്നായിരുന്നു പ്രതീക്ഷിച്ചിരുന്നതെന്ന് യുവതി പറയുന്നു. എന്നാൽ പെൺകുഞ്ഞ് ജനിച്ചതോടെ നിരാശയിലായ സ്ത്രീ കുഞ്ഞിനെ കൊല്ലുകയായിരുന്നു. കഴിഞ്ഞ രണ്ട് മാസമായി യുവതി സ്വന്തം വീട്ടിലായിരുന്നു താമസം.


ഭാര്യ സ്വന്തം കുഞ്ഞിനെ കൊന്നതിനെ കുറിച്ച് അറിയില്ലെന്നാണ് ഭർത്താവ് പൊലീസിന് മൊഴി നൽകിയിരിക്കുന്നത്. പെൺകുഞ്ഞ് ജനിച്ചതിൽ താൻ സന്തോഷവാനാണെന്നും ഇയാൾ പറയുന്നു. ഇന്ന് ഉച്ചയ്ക്ക് യുവതിയെ മജിസ്ട്രേറ്റിന് മുന്നിൽ ഹാജരാക്കും.

സംഭവത്തിൽ പൊലീസ് അന്വേഷണം പുരോഗമിക്കുകയാണ്. ഭർത്താവിന് സംഭവത്തിൽ പങ്കുണ്ടോയെന്നതടക്കമുള്ള കാര്യങ്ങൾ പൊലീസ് പരിശോധിക്കുന്നുണ്ട്.

Post a Comment

Previous Post Next Post

 കമന്റ് ബോക്‌സിലെ അഭിപ്രായങ്ങള്‍ റിപ്പബ്ലിക്ക് ഡെയ്ലിയുടേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

വാർത്തകൾ സിഗ്നൽ ആപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക