ബംഗാൾ ഉൾക്കടലിൽ വീണ്ടും ന്യൂനമർദ്ദം, ചുഴലിക്കാറ്റായി മാറിയെക്കുമെന്ന് കാലാവസ്ഥ നിരീക്ഷണ കേന്ദ്രം; ജാഗ്രതാ മുന്നറിയിപ്പ്


ചെന്നൈ: നിവാർ ചുഴലിക്കാറ്റ്​ ​തമിഴ്​നാട്ടിലും പുതുച്ചേരിയിലും നാശം വിതച്ചതിന്​ പിന്നാലെ ബംഗാൾ ഉൾക്കടലിൽ വീണ്ടും ന്യൂനമർദ്ദം രൂപകൊള്ളുന്നുവെന്ന്​ കാലാവസ്ഥ കേന്ദ്രം മുന്നറിയിപ്പ് നൽകിയിരിക്കുന്നു. ഇത്​ ഒരു ചുഴലിക്കാറ്റായി മാറാൻ സാധ്യതയുണ്ടെന്നും കാലാവസ്ഥ നിരീക്ഷണ കേന്ദ്രം മുന്നറിയിപ്പ്​ നൽകിയിരിക്കുകയാണ്.

നവംബർ 29നായിരിക്കും ബംഗാൾ ഉൾക്കടലിൽ പുതിയ ന്യൂനമർദ്ദം രൂപംകൊള്ളുകയെന്ന്​ കാലാവസ്ഥ നിരീക്ഷണകേ​ന്ദ്രം ഡയറക്​ടർ ജനറൽ മൃത്യുഞ്​ജയ്​ മോഹാപാത്ര പറഞ്ഞു. ന്യൂനമർദ്ദം ചുഴലിക്കൊടുങ്കാറ്റാവുമോയെന്ന്​ ഇപ്പോൾ പറയാനാകില്ലെന്നും അദ്ദേഹം അറിയിക്കുകയുണ്ടായി.

എന്നാൽ അതേസമയം, തമിഴ്​നാട്ടിലും പുതുച്ചേരിയിലും വീശിയടിച്ച നിവറിൻെറ ശക്​തി കുറഞ്ഞു. വ്യാഴാഴ്​ച ഉച്ചയോടെ നിവറിന്​ ശക്​തി കുറഞ്ഞുവെന്ന്​ കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകി.

Post a Comment

Previous Post Next Post

 കമന്റ് ബോക്‌സിലെ അഭിപ്രായങ്ങള്‍ റിപ്പബ്ലിക്ക് ഡെയ്ലിയുടേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

വാർത്തകൾ സിഗ്നൽ ആപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക