ചീഫ് ജസ്റ്റിസ് മണികുമാര്‍ അധ്യക്ഷനായ ബെഞ്ചിനെയാണ് സര്‍ക്കാര്‍ നിലപാട് അറിയിച്ചത്. സര്‍ക്കാരിനോട് ഇത് സംബന്ധിച്ച് രേഖാമൂലം മറുപടി നല്‍കാനും കോടതി നിര്‍ദ്ദേശിച്ചു. കെ.പി.എ ആക്ടിലെ പുതിയ ഭേദഗതി സുപ്രീം കോടതി ഉത്തരവിന് വിരുദ്ധമാണെന്ന് ചൂണ്ടിക്കാട്ടിയാണ് പൊതുതാല്‍പ്പര്യ ഹര്‍ജികള്‍ സമര്‍പ്പിക്കപ്പെട്ടത്.
118 എ വകുപ്പ് റദ്ദാക്കണമെന്ന് ആവശ്യപ്പെട്ട് നല്‍കിയ പൊതുതാല്‍പ്പര്യ ഹര്‍ജിയില്‍ ഹൈക്കോടതി നാളെ വിശദമായ വാദം കേള്‍ക്കും. അതേസമയം പുതിയ ഭേദഗത അനസരിച്ച് കേസെടുക്കരുതെന്ന ഡി.ഡി.പി ലോക്‌നാഥ് ബെഹ്‌റ ഉത്തരിട്ടു. പുതിയ നിര്‍ദ്ദേശം വരുന്നത് വരെ കേസ് രജിസ്റ്റര്‍ ചെയ്യരുതെന്നാണ് ഡി.ജി.പിയുടെ നിര്‍ദ്ദേശം.
21-ാം തീയതി പുറത്തിറക്കിയ ഓര്‍ഡിനന്‍സില്‍ 118 എ വകുപ്പ് ചേര്‍ത്തിട്ടുള്ള സാഹചര്യത്തില്‍ ആ വകുപ്പ് പ്രകാരം കേസെടുക്കാന്‍ പരാതികള്‍ വന്നേക്കാം. നിയമനടപടി എടുക്കുന്നതിന് മുമ്പ് പോലീസ് ആസ്ഥാനത്തെ ലീഗല്‍ സെല്ലുമായി ബന്ധപ്പെട്ട് വിശദീകരണം തേടണമെന്നും ഡി.ജി.പി സര്‍ക്കുലറില്‍ വ്യക്തമാക്കി.