ഗർഭ കാലത്ത് പാവക്ക കഴിക്കുന്നത് ദോഷമോ.?


കയ്പക്കയില്‍ അടങ്ങിയിരിക്കുന്ന ഒരു തന്മാത്ര വിസിന്‍ ഫേവിസത്തിന് കാരണമാകും, ഇത് നിങ്ങളുടെ ശരീരത്തിലെ ടിഷ്യൂകളിലേക്ക് ഓക്‌സിജന്‍ എത്തിക്കുന്ന ചുവന്ന രക്താണുക്കളുടെ നാശമാണ്. ഇത് വിളര്‍ച്ചയിലേക്കും ഗര്‍ഭധാരണ സങ്കീര്‍ണതകളിലേക്കും നയിച്ചേക്കാം. ഗര്‍ഭാവസ്ഥയില്‍ ഉണ്ടാകുന്ന കടുത്ത വിളര്‍ച്ച, അകാല ജനനത്തിനുള്ള അപകടസാധ്യത, ജനനസമയത്ത് ഭാരം കുറഞ്ഞ കുഞ്ഞ് ജനിക്കുന്നത്, ജനനത്തിന് മുമ്പോ ശേഷമോ ശിശുമരണം എന്നിവയുമായി ബന്ധപ്പെട്ടിരിക്കുന്നു. അതുകൊണ്ട് പാവക്ക ഗര്‍ഭാവസ്ഥയില്‍ കഴിക്കുന്നത് അല്‍പം ശ്രദ്ധിച്ച് വേണം. ഏത് സമയത്തും അപകടം ഉണ്ടാവാം എന്നുള്ളത് തന്നെയാണ് കാര്യം.

ടോക്‌സിനെ പുറന്തള്ളുന്നു

ശരീരത്തില്‍ പല വിധത്തിലുള്ള അസ്വസ്ഥകള്‍ ടോക്‌സിന്‍ മൂലം ഉണ്ടാവുന്നുണ്ട്. എന്നാല്‍ ഇത് പലപ്പോഴും പാവക്ക കഴിക്കുന്നതിലൂടെ ഉണ്ടാവുന്നുണ്ട്. ശരീരത്തില്‍ വിഷം കലര്‍ത്തുന്ന ക്വിനൈന്‍, മോമോര്‍ഡിക്ക, ഗ്ലൈക്കോസൈഡുകള്‍ തുടങ്ങിയ തന്മാത്രകളും കയ്പക്കയില്‍ അടങ്ങിയിട്ടുണ്ട്. അതുകൊണ്ട് തന്നെ പാവക്ക കഴിക്കുന്നത് കുടല്‍ വേദന, കാഴ്ചയിലെ പ്രശ്‌നങ്ങള്‍, ഛര്‍ദ്ദി, ക്ഷീണം, പേശികളുടെ ക്ഷീണം, ഓക്കാനം, ഉമിനീര്‍ എന്നിവയുടെ അമിത ഉല്‍പാദനം എന്നിവയ്ക്ക് കാരണമാകും. അതുകൊണ്ട് തന്നെ പല വിധത്തില്‍ ശ്രദ്ധിക്കേണ്ടതാണ്.

രക്തസ്രാവത്തിന് കാരണമാകുന്നു

ഗര്‍ഭാവസ്ഥയില്‍ കയ്പക്ക അല്ലെങ്കില്‍ കയ്പക്ക വിത്ത് കഴിക്കുന്നത് വയറുവേദന, ദഹനക്കേട്, വയറിളക്കം, അടിവയറ്റിലെ വേദന എന്നിവയ്ക്ക് കാരണമാകുമെന്ന് പറയപ്പെടുന്നു. ഇത് കൂടാതെ ഗര്‍ഭാവസ്ഥയില്‍ കയ്പക്ക ജ്യൂസ് കുടിക്കുന്നത് സങ്കോചങ്ങള്‍ക്ക് കാരണമാവുകയും രക്തസ്രാവത്തിന് കാരണമാവുകയും ചെയ്യും, ഇത് ഗര്‍ഭച്ഛിദ്രത്തിന് കാരണമാകുമെന്ന് ചില വിദഗ്ധര്‍ പറയുന്നു. ഇതിനെക്കുറിച്ച് കൂടുതല്‍ പഠനങ്ങള്‍ നടന്ന് കൊണ്ടിരിക്കുകയാണ്. ഇത്തരം അവസ്ഥകള്‍ അറിഞ്ഞിരിക്കേണ്ടത് അത്യാവശ്യമാണ്. കൂടുതല്‍ ശ്രദ്ധിച്ച് മുന്നോട്ട് പോവേണ്ടതാണ്.

മിതമായ അളവില്‍ ഇത് കഴിക്കുക

ഗര്‍ഭാവസ്ഥയില്‍ കയ്പക്ക ഒഴിവാക്കുന്നത് നല്ലതാണ്. എന്നിരുന്നാലും, നിങ്ങള്‍ക്ക് ഇപ്പോഴും ഇത് വേണമെങ്കില്‍, നിങ്ങളുടെ പോഷകാഹാര വിദഗ്ദ്ധനോ ഡോക്ടറോ പരിശോധിച്ച ശേഷം ചെറിയ അളവില്‍ കഴിക്കുക. ഉദാഹരണത്തിന്, നിങ്ങള്‍ക്ക് ആഴ്ചയില്‍ ഒന്നോ രണ്ടോ തവണ ഒരു കപ്പ് കയ്പക്ക കഴിക്കാം. ഇത് കൂടാതെ ഗര്‍ഭാവസ്ഥയില്‍ കയ്പക്ക വിത്ത് പൂര്‍ണ്ണമായും ഒഴിവാക്കുക, പ്രത്യേകിച്ചും നിങ്ങള്‍ക്ക് ജി 6 പിഡി കുറവ് ഉണ്ടെങ്കില്‍. ചുവന്ന രക്താണുക്കളെ രക്തത്തിലെ പദാര്‍ത്ഥങ്ങളില്‍ നിന്ന് സംരക്ഷിക്കുന്ന എന്‍സൈമാണ് ഗ്ലൂക്കോസ് -6-ഫോസ്‌ഫേറ്റ് ഡൈഹൈഡ്രജനോയിസ് (ജി 6 പിഡി).

മറ്റ് അനുബന്ധ അപകടസാധ്യതകള്‍

3 മാസം വരെ കയ്പക്ക കഴിക്കുന്നത് ചില ആളുകളില്‍ ദഹനസംബന്ധമായ ബുദ്ധിമുട്ടുകള്‍ക്ക് കാരണമാകും. ചില വിദഗ്ധര്‍ മുലയൂട്ടുന്ന അമ്മമാരെ കയ്പക്ക കഴിക്കുന്നത് ഒഴിവാക്കാന്‍ ഉപദേശിക്കുന്നു. എന്നിരുന്നാലും ഇതിനെക്കുറിച്ച് കൂടുതല്‍ പഠനങ്ങള്‍ നടക്കുകയാണ്. നിങ്ങള്‍ക്ക് പ്രമേഹമുണ്ടെങ്കില്‍ നിങ്ങളുടെ രക്തത്തിലെ പഞ്ചസാര കുറയ്ക്കുന്നതിന് മരുന്നുകള്‍ കഴിക്കുകയാണെങ്കില്‍, കയ്പക്ക കഴിക്കുന്നത് ഒഴിവാക്കുക, കാരണം ഇത് നിങ്ങളുടെ രക്തത്തിലെ പഞ്ചസാരയുടെ അളവ് കുറയുന്നു.

മറ്റ് അനുബന്ധ അപകടസാധ്യതകള്‍

ആരോഗ്യവാനായ ഒരാള്‍ പോലും ഒരു ദിവസം 2 മുതല്‍ 3 വരെ കയ്പക്കര് കഴിക്കരുത്, കാരണം അമിതമായി കഴിക്കുന്നത് നേരിയ വയറുവേദന അല്ലെങ്കില്‍ വയറിളക്കത്തിന് കാരണമാകും. ശ്രദ്ധിക്കേണ്ട കാര്യം കയ്പക്ക, ഗര്‍ഭിണികള്‍ക്ക് സുരക്ഷിതമാണോ എന്ന ചര്‍ച്ച ഇപ്പോഴും തുടരുന്നു. അതിനാല്‍, ഇത് ഇപ്പോഴും ഭക്ഷണത്തില്‍ ഉള്‍പ്പെടുത്താന്‍ ആഗ്രഹിക്കുന്നുവെങ്കില്‍, ഡോക്ടറുടെ ഉപദേശം സ്വീകരിക്കുക. ഇത് നിങ്ങളുടെ കുഞ്ഞിന്റെ ആരോഗ്യത്തിനും വളരെയധികം മികച്ചതാണ്.

Post a Comment

Previous Post Next Post

 കമന്റ് ബോക്‌സിലെ അഭിപ്രായങ്ങള്‍ റിപ്പബ്ലിക്ക് ഡെയ്ലിയുടേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

വാർത്തകൾ സിഗ്നൽ ആപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക