നിയന്ത്രണം വിട്ട ബൈക്ക് കാറിലിടിച്ച് അപകടം; യുവാവ് മരിച്ചു, ഒരേ സ്ഥലത്ത് അപകടവും മരണവും തുടർച്ചയായ രണ്ടാം ദിവസം


കോട്ടയം: ഈരയില്‍കടവില്‍ ബൈക്ക് നിയന്ത്രണംവിട്ട് കാറിലിടിച്ച് ബൈക്ക് യാത്രക്കാരനായ യുവാവ് മരിച്ചു. ചിങ്ങവനം റെയില്‍വേ സ്റ്റേഷനു സമീപം ഇടയ്ക്കാട്ടുകൊച്ചുപറമ്പില്‍ ജോസിന്റെ മകന്‍ ജോയല്‍ പി. ജോസാണ് (23) മരിച്ചത്. ചിങ്ങവനത്തു മൊബൈല്‍ കടയിലെ ജീവനക്കാരനായിരുന്നു.

ശനിയാഴ്ച രാത്രി എട്ടരയോടെ ഈരയില്‍കടവ്-മണിപ്പുഴ ബൈപ്പാസ് റോഡിലായിരുന്നു അപകടം. തുടര്‍ച്ചയായ രണ്ടാം ദിവസമാണ് ഇതേസ്ഥലത്ത് അപകടമുണ്ടാകുന്നത്. ബൈക്കും കാറും കൂട്ടിയിടിച്ച് വെള്ളിയാഴ്ചയുണ്ടായ അപകടത്തില്‍ പുതുപ്പള്ളി തൃക്കോതമംഗം ഗോകുലത്തില്‍ (കടവില്‍പറമ്പില്‍) ഗോകുല്‍ (20) മരിച്ചിരുന്നു. 

അമിത വേഗമാണ് അപകടകാരണമെന്ന് സമീപവാസികള്‍ പറയുന്നു. ഇടിയുടെ ആഘാതത്തില്‍ കാറും ബൈക്കും പൂര്‍ണമായും തകര്‍ന്നു. ബൈക്കില്‍ ജോയല്‍ മാത്രമാണുണ്ടായിരുന്നത്. ഇടിയെ തുടര്‍ന്ന് ബൈക്കില്‍ നിന്ന് ഉയര്‍ന്നു പൊങ്ങി റോഡിലേയ്ക്ക് തെറിച്ചു വീഴുകയായിരുന്നു. ഓടിയെത്തിയ നാട്ടുകാര്‍ ജോയലിനെ മെഡിക്കല്‍ കോളജ് ആശുപത്രിയില്‍ എത്തിച്ചുവെങ്കിലും മരിച്ചു. ചിങ്ങവനം പോലീസ് മേല്‍നടപടികള്‍ സ്വീകരിച്ചു.

Post a Comment

Previous Post Next Post

 കമന്റ് ബോക്‌സിലെ അഭിപ്രായങ്ങള്‍ റിപ്പബ്ലിക്ക് ഡെയ്ലിയുടേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

വാർത്തകൾ സിഗ്നൽ ആപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക