സൗദിയില്‍ നിന്ന് ചികിത്സക്കായി നാട്ടിലേക്ക് തിരിച്ച പ്രവാസി മലയാളി വീട്ടിലെത്തിയ ഉടന്‍ മരിച്ചു . കൊല്ലം ചവറ കൊട്ടുകാട് സ്വദേശി മിദ്ലാജ് ഇബ്രാഹീം ആണ് വീട്ടിലെത്തിയ ഉടനെ മരിച്ചത്. ദമ്മാമില്‍ നിന്ന് ചാര്‍ട്ടേഡ് വിമാനത്തിലാണ് മിദ്ലാജ് നാട്ടിലെത്തിയത് . ഭാര്യ ഷംനയോടൊപ്പം എയര്‍പോര്‍ട്ടില്‍ നിന്ന് വീട്ടിലെത്തി, കാത്തിരുന്ന മക്കളെ കണ്ടയുടനെ മരണം സംഭവിക്കുകയിരുന്നു.
നേരത്തെ സൗദിയില്‍ പ്രവാസിയായിരുന്ന മിദ്ലാജ് വൃക്കരോഗം മൂലം ജോലി ഉപേക്ഷിച്ചു നാട്ടില്‍ പോയിരുന്നു. വാടക വീട്ടില്‍ താമസിക്കുന്ന കുടുംബത്തിന് തണലാവാന്‍ രണ്ടു വര്‍ഷം മുമ്ബ് വീണ്ടും സൗദിയിലേക്ക് വരികയായിരുന്നു . ഹഫര്‍ അല്‍ബാത്വിനിലെ ഒരു ബഖാലയിലാണ് ജോലി ചെയ്തിരുന്നത് . അതിനിടയില്‍ വൃക്കരോഗം മൂര്‍ച്ഛിച്ചതിനെ തുടര്‍ന്നാണ് ചികിത്സക്ക് വേണ്ടി നാട്ടിലേക്ക് തിരിച്ചത്.
