തീരുമാനം വീണ്ടും തിരുത്തി കുവൈത്ത്; യാത്രാ വിലക്ക് അനിശ്ചിത കാലത്തേക്ക് നീട്ടി; ആശ്വാസ വാർത്തയുടെ ചൂടാറും മുൻപേ വന്ന അപ്രതീക്ഷിത തീരുമാനത്തിൽ പകച്ച് മലയാളികൾ ഉൾപ്പെടെയുള്ള പ്രവാസികൾ


കുവൈത്ത് സിറ്റി: പ്രവാസികളുടെ യാത്ര വിലക്ക് വീണ്ടും അനിശ്ചിത കാലത്തേക്ക് നീട്ടിയതായി കുവൈത്ത് സിവിൽ ഏവിയേഷന്റെ അപ്രതീക്ഷിത അറിയിപ്പ്. നാളെ മുതൽ പ്രവാസികളെ രാജ്യത്തേക്ക് പ്രവേശിപ്പിക്കും എന്ന സർക്കുലർ പുറത്തിറക്കി മണിക്കൂറുകൾ പിന്നിടും മുമ്പാണ് വീണ്ടും കുവൈത്ത് വ്യോമയാന വിഭാഗം തീരുമാനം മരവിപ്പിച്ച് പുതിയ സർക്കുലർ പുറത്തിറക്കിയത്.

ആരോഗ്യ വകുപ്പിന്റെ നിർദേശത്തെ തുടർന്നാണ് അധികൃതരുടെ നടപടിയെന്ന് പ്രാദേശിക പത്രം റിപ്പോർട്ട് ചെയ്‌തു. പുതിയ സർക്കുലർ പ്രകാരം സ്വദേശികൾ അല്ലാത്ത യാത്രക്കാർക്ക് ഇനി ഒരറിയിപ്പ് ഉണ്ടാകുന്നത് വരെ രാജ്യത്തേക്ക് പ്രവേശനം അനുവദിക്കില്ല. രാജ്യത്തേക്ക് വരുന്ന സ്വദേശികൾക്ക് ഏഴ് ദിവസത്തെ ഇൻസ്റ്റിറ്റ്യൂഷണൽ ക്വാറന്റൈനും പിന്നീടുള്ള ഏഴ് ദിവസം ഹോം ക്വാറന്റൈനും ഏർപ്പെടുത്തിയതായും സർക്കുലറിൽ വ്യക്തമാക്കുന്നു ​ രണ്ടാഴ്​ചത്തെ പ്രവേശന വിലക്ക്​ തീർന്ന്​ ഫെബ്രുവരി 21 മുതൽ കുവൈത്തിലേക്ക്​ വരാമെന്ന പ്രഖ്യാപനത്തിൽ സന്തോഷിച്ചിരുന്ന പ്രവാസികൾക്ക്​ വൻ തിരിച്ചടിയാണ്​ പുതിയ തീരുമാനം.

Post a Comment

Previous Post Next Post

 കമന്റ് ബോക്‌സിലെ അഭിപ്രായങ്ങള്‍ റിപ്പബ്ലിക്ക് ഡെയ്ലിയുടേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

വാർത്തകൾ സിഗ്നൽ ആപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക